ಖರ್ಜೂರ ಇದು ಆರೋಗ್ಯದ ಭಂಡಾರ

ಖರ್ಜೂರ ಒಂದು ನೈಸರ್ಗಿಕವಾಗಿಯೆ ಅತ್ಯಂತ ಸಿಹಿಯಾದ ಹಣ್ಣು. ಇದರಲ್ಲಿ ಹಲವು ವಿವಿಧ ಜಾತಿಗಳಿದ್ದರು ಎಲ್ಲ ಹಣ್ಣುಗಳು ಒಂದೆ ವಿಟಮಿನ್ ಹಾಗು ಪೋಷಕಾಂಶಗಳನ್ನು ಒಳಗೊಂಡಿವೆ. 
ಖರ್ಜೂರ ಎಲ್ಲ ಕಾಲದಲ್ಲೂ ಸಿಗುವ ಹಣ್ಣಾಗಿದ್ದು ನಿತ್ಯ ಒಂದೆರಡು ಸೇವಿಸುವುದರಿಂದ ಆರೋಗ್ಯಕ್ಕೆ ಒಳ್ಳೆಯದು. ಇದರ ಉಪಯುಕ್ತತೆಯನ್ನು ತಿಳಿಯೋಣ ಬನ್ನಿ.

1. ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡುತ್ತದೆ

ಖರ್ಜೂರ ಕೊಲೆಸ್ಟ್ರಾಲ್ ಇಂದ ಮುಕ್ತವಾಗಿದ್ದು ಮತ್ತು ಕಡಿಮೆ ಕೊಬ್ಬನ್ನು ಹೊಂದಿದೆ. ನಿಮ್ಮ ದೈನಂದಿನ ಆಹಾರಕ್ರಮದಲ್ಲಿ ಖರ್ಜೂರವನ್ನು ಸಣ್ಣ ಪ್ರಮಾಣದಲ್ಲಿ ಸೇರಿಸುವುದರಿಂದ ಕೊಲೆಸ್ಟ್ರಾಲ್ ಮಟ್ಟವನ್ನು ಹತೋಟಿಯಲ್ಲಿಡಲು ಸಹಾಯ ಮಾಡುತ್ತದೆ ಮತ್ತು ತೂಕ ನಷ್ಟಕ್ಕೆ ಸಹ ಸಹಾಯ ಮಾಡುತ್ತದೆ.

2. ಪ್ರೋಟೀನ್ ಸಮೃದ್ಧವಾಗಿದೆ

ನಿಮ್ಮ ಆಹಾರದಲ್ಲಿ ಕೆಲವು ಖರ್ಜೂರವನ್ನು ಸೇರಿಸುವುದರಿಂದ ದೇಹವು ಸದೃಢ ಹಾಗು ಫಿಟ್ ಆಗಿರಲು ಸಹಾಯ ಮಾಡುವ ಪ್ರೋಟೀನ್‌ಗಳು ಇದರಲ್ಲಿದ್ದು ನಮ್ಮ ಸ್ನಾಯುಗಳನ್ನು ಸದೃಢವಾಗಿರಿಸಿಕೊಳ್ಳಬಹುದು. ನಿಯಮಿತ ಜಿಮ್‌ಗೆ ಹೋಗುವವರು ತಮ್ಮ ದಿನಚರಿಯ ಭಾಗವಾಗಿ ಪ್ರತಿದಿನ ಒಂದೆರಡು ಖರ್ಜೂರವನ್ನು ತಿನ್ನುವುದು ಉತ್ತಮ.

3. ಜೀವಸತ್ವಗಳು ಸಮೃದ್ಧವಾಗಿವೆ

ಖರ್ಜೂರದಲ್ಲಿ ಎ ೧, ಸಿ, ಬಿ 1, ಬಿ 2, ಬಿ 3 ಮತ್ತು ಬಿ 5 ನಂತಹ ವಿಟಮಿನ್ ಗಳು ಹೇರಳವಾಗಿದ್ದು. ನೀವು ಪ್ರತಿದಿನ ಕೆಲವು ಖರ್ಜೂರವನ್ನು ಸೇವಿಸಿದರೆ ನೀವು ವಿಟಮಿನ್ ಪೂರಕಗಳನ್ನು ತೆಗೆದುಕೊಳ್ಳಬೇಕಾಗಿಲ್ಲ. ಇದು ನಿಮ್ಮನ್ನು ಆರೋಗ್ಯವಾಗಿರಿಸುವುದಲ್ಲದೆ, ನಿಮ್ಮ ಶಕ್ತಿಯ ಮಟ್ಟದಲ್ಲಿಯೂ ಗಮನಾರ್ಹ ಬದಲಾವಣೆಯಾಗುತ್ತದೆ ಏಕೆಂದರೆ ಖರ್ಜೂರದಲ್ಲಿ ನೈಸರ್ಗಿಕ ಸಕ್ಕರೆಗಳಾದ ಗ್ಲೂಕೋಸ್, ಸುಕ್ರೋಸ್ ಮತ್ತು ಫ್ರಕ್ಟೋಸ್ ಕೂಡ ಇರುತ್ತವೆ. ಆದ್ದರಿಂದ ಇದು ತ್ವರಿತ ಲಘು ಆಹಾರವಾಗಿ ಚೆನ್ನಾಗಿ ಕೆಲಸ ಮಾಡುತ್ತದೆ.

4. ಮೂಳೆಯ ಆರೋಗ್ಯವನ್ನು ಸುಧಾರಿಸುತ್ತದೆ

ಖರ್ಜೂರ ನಿಮ್ಮ ಮೂಳೆಯ ಆರೋಗ್ಯಕ್ಕೂ ಉತ್ತಮವಾದದ್ದು. ಖರ್ಜೂರದಲ್ಲಿ ಸೆಲೆನಿಯಮ್, ಮ್ಯಾಂಗನೀಸ್, ತಾಮ್ರ ಮತ್ತು ಮೆಗ್ನೀಸಿಯಮ್ ಸಮೃದ್ಧವಾಗಿದ್ದು ನಮ್ಮ ಮೂಳೆಗಳನ್ನು ಆರೋಗ್ಯವಾಗಿಡಲು ಮತ್ತು ಆಸ್ಟಿಯೊಪೊರೋಸಿಸ್ನಂತಹ ಪರಿಸ್ಥಿತಿಗಳನ್ನು ತಡೆಗಟ್ಟಲು ಸಹಾಯ ಮಾಡುತ್ತದೆ.

5. ನರಮಂಡಲವನ್ನು ಬಲಪಡಿಸುತ್ತದೆ

ಖರ್ಜೂರದಲ್ಲಿ ಪೊಟ್ಯಾಸಿಯಂ ಇದ್ದು ಸ್ವಲ್ಪ ಮಟ್ಟಿಗೆ ಸೋಡಿಯಂ ಅನ್ನು ಹೊಂದಿದೆ. ಇದು ನಮ್ಮ ನರ ಮಂಡಲವನ್ನು ಸುಸ್ಥಿತಿಯಲ್ಲಿಡುತ್ತದೆ. ಇದರಲ್ಲಿನ ಪೊಟ್ಯಾಸಿಯಂ ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಹಾಗೆ ಪಾರ್ಶ್ವವಾಯು ಅಪಾಯವನ್ನು ತಡೆಯುತ್ತದೆ.

6. ಕಬ್ಬಿಣ ಸಮೃದ್ಧವಾಗಿದೆ

ನಿಮ್ಮ ಹಲ್ಲುಗಳು ಆರೋಗ್ಯಕಾರಿಯಾಗಿರಲು ಸಹಕಾರಿ. ಖರ್ಜೂರದಲ್ಲಿ ಕಬ್ಬಿಣವು ಇದ್ದು ಯಾರು ಕಬ್ಬಿಣದ ಕೊರತೆಯಿಂದ ಬಳಲುತಿರುವರೊ ಅವರಿಗೆ ಉತ್ತಮ ಈ ಖರ್ಜೂರ. ಕಬ್ಬಿಣದ ಕೊರತೆಯ ರಕ್ತಹೀನತೆ ಆಯಾಸ ಅಥವಾ ದಣಿವು, ಉಸಿರಾಟದ ತೊಂದರೆ ಅಥವಾ ಎದೆನೋವಿಗೆ ಕಾರಣವಾಗಬಹುದು. ರಕ್ತ ಶುದ್ಧೀಕರಣಕ್ಕೂ ಇದು ಅದ್ಭುತವಾಗಿದೆ.

7. ಜೀರ್ಣಕ್ರಿಯೆಯನ್ನು ಉತ್ತೇಜಿಸುತ್ತದೆ

ನೀವು ಕೆಲವು ಖರ್ಜೂರವನ್ನು ನೀರಿನಲ್ಲಿ ನೆನೆಸಿ ಮತ್ತು ಅವುಗಳನ್ನು ಪ್ರತಿದಿನ ತಿನ್ನುತ್ತಿದ್ದರೆ, ನಿಮ್ಮ ಜೀರ್ಣಾಂಗ ವ್ಯವಸ್ಥೆಯು ಚೆನ್ನಾಗಿ ಆಗುತ್ತದೆ. ಇದು ಹೆಚ್ಚಿನ ಫೈಬರ್ ಅಂಶ ಹೊಂದಿದ್ದು ಮಲಬದ್ಧತೆ ತೊಂದರೆ ಇರುವವರಿಗೂ ಇದನ್ನು ಶಿಫಾರಸು ಮಾಡಲಾಗುತ್ತದೆ.

8. ಚರ್ಮವನ್ನು ಉತ್ತಮವಾಗಿಸುತ್ತದೆ

ಖರ್ಜೂರದಲ್ಲಿ ವಿಟಮಿನ್ ಸಿ ಮತ್ತು ಡಿ ಇದ್ದು ಇದು ಚರ್ಮದ ಬೆಳವಣಿಗೆಗೆ ಅತ್ಯಾವಶ್ಯಕವಾದ್ದುಮತ್ತು ನಿಮ್ಮ ಚರ್ಮವನ್ನು ಮೃದುವಾಗಿರಿಸುತ್ತದೆ. ಜೊತೆಗೆ ನೀವು ಚರ್ಮದ ಸಮಸ್ಯೆಗಳಿಂದ ಬಳಲುತ್ತಿದ್ದರೆ, ಖರ್ಜೂರವನ್ನು ನಿಮ್ಮ ಆಹಾರಕ್ರಮದಲ್ಲಿ ಸೇರಿಸಿಕೊಳ್ಳುವುದರಿಂದ ದೀರ್ಘಾವಧಿಯಲ್ಲಿ ನಿಮಗೆ ಸಹಾಯ ಮಾಡುತ್ತದೆ. ಖರ್ಜೂರ ವಯಸ್ಸಾಗುವುದನ್ನು ಮತ್ತು ನಿಮ್ಮ ದೇಹದಲ್ಲಿ ಮೆಲನಿನ್ ಸಂಗ್ರಹವಾಗುವುದನ್ನು ತಡೆಯುತ್ತದೆ.

9. ತೂಕ ಹೆಚ್ಚಿಸಲು ಸಹಾಯ ಮಾಡುತ್ತದೆ

ಬಲಹೀನತೆ ಇಂದ ಬಳಲುತಿದ್ದವರು ಖರ್ಜೂರವನ್ನು ತಿನ್ನುವುದರಿಂದ ದೇಹದ ತೂಕ ಹೆಚ್ಚುತ್ತದೆ. ಹಾಗೆ ಖರ್ಜೂರವನ್ನು ಸೌತೆಕಾಯಿಯೊಂದಿಗೆ ಸೇವಿಸಿದಾಗ ನಿಮ್ಮ ತೂಕವನ್ನು ಸಾಮಾನ್ಯ ಮಟ್ಟದಲ್ಲಿಡಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: ಬಾಳೆಹಣ್ಣಿನ ದಿಂಡಿನ ಉಪಯೋಗಗಳೇನು ಅಂತ ಒಮ್ಮೆ ನೋಡಿ

ಇದನ್ನೂ ಓದಿ: ತುಳಸಿ ಪೂಜೆಗಷ್ಟೇ ಅಲ್ಲ ಔಷಧಿಗೂ ಸೈ

ಇದನ್ನೂ ಓದಿ: ಮೆಕ್ಕೆಜೋಳ ನಿಮ್ಮ ದೇಹಕ್ಕೆ ಎಷ್ಟು ಸೂಕ್ತ