ಮುಟ್ಟಾಳ ಮಗ ಚಿತ್ರದ ಟೀಸರ್ ಬಿಡುಗಡೆ
chotanews
Sep 4, 2019 04:02
ಉತ್ತರ ಕರ್ನಾಟಕದ ಕರುನಾಡ ಮೂವೀಸ್ ಯುವಕರ ತಂಡದಿಂದ ನಿರ್ಮಾಣವಾದ ಮುಟ್ಟಾಳ ಮಗ ಸಿನಿಮಾ ಚಿತ್ರೀಕರಣ ಪೂರ್ಣಗೊಂಡಿದ್ದು, ಅಕ್ಟೋಬರ್ ಕೊನೆಯ ವಾರ ತೆರೆಗೆ ಬರಲಿದೆ ಎಂದು ಚಿತ್ರದ ನಟ ಗೋಕುಲ್ ರಾಜ್ ಹೇಳಿದರು.
ಹುಬ್ಬಳ್ಳಿ ನಗರದಲ್ಲಿಂದು ಈ ಪತ್ರಿಕಾಗೋಷ್ಠಿಯಲ್ಲಿ ಮುಟ್ಟಾಳ ಮಗ ಚಿತ್ರದ ಟೀಸರ್ ಬಿಡುಗಡೆ ಮಾಡಿ ನಂತರ ಮಾತನಾಡಿದ ಅವರು, ಸಾಮಾಜಿಕ ಕಥೆಯುಳ್ಳ ಸಿನಿಮಾ ಆಗಿದ್ದು, ಉತ್ತರ ಕರ್ನಾಟಕದ ಸೊಗಡು,ಭಾಷೆಯನ್ನು ಚಿತ್ರದಲ್ಲಿ ಸುಂದರವಾಗಿ ತೋರಿಸಲಾಗಿದೆ. ಅಲ್ಲದೇ ಬಹುತೇಕ ಉತ್ತರ ಕರ್ನಾಟಕದ ರಂಗಭೂಮಿ ಕಲಾವಿದರೇ ನಟನೆ ಮಾಡಿದ್ದು, ಧಾರವಾಡ, ಗದಗ ಜಿಲ್ಲೆಯ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಚಿತ್ರಿಕರಣ ಮಾಡಲಾಗಿದೆ. ಚಿತ್ರದಲ್ಲಿ ನಾಲ್ಕು ಹಾಡುಗಳಿದ್ದು ಅದರಲ್ಲಿ ಒಂದು ಐಟಂ ಸಾಂಗ್ ಇದೆ. ಚಿತ್ರದ ಕಥೆ ಎಲ್ಲರಿಗೂ ಇಷ್ಟವಾಗುವ ರೀತಿಯಲ್ಲಿದ್ದು, ಕುಟುಂಬ ಸಮೇತವಾಗಿ ಕುಳಿತು ನೋಡಬಹುದಾಗಿದೆ ಎಂದರು.
ಪತ್ರಿಕಾಗೋಷ್ಠಿಯಲ್ಲಿ ಚಿತ್ರದ ನಿರ್ಮಾಪಕ ಸುರೇಶಗೌಡ ಪಾಟೀಲ್, ನಿರ್ದೇಶಕ ಎಸ್. ಮಂಜುನಾಥ, ನಟಿ ಚಾಂದನಿ, ಪಾಲಿಕೆ ಮಾಜಿ ಸದಸ್ಯ ಶಿವಾನಂದ ಮುತ್ತನವರ, ರುದ್ರಯ್ಯ ಹೀರೆಮಠ ಇದ್ದರು.
